مقدمة لابد منها :

1- العناصر الموجودة فى الطبيعة “114 عنصر بتوع الجدول الدورى  ” كلهم عبارة عن ذرات و كل ذرة عبارة عن نواة فى المركز بتدور الالكترونات حولها فى مدارات خاصة

2- النواة موجبة الشحنة و الالكترونات اللى فى المدارات سالبة الشحنة و الشحنات المختلفة تتجاذب

3- النواة الموجبة بتشد المدارات اللى فيها الالكترونات السالبة بقوة تجاذب و كل ما يزيد بعد المدار عن النواة يقل شد النواة لية  طب لية ؟ – لانه كل ما بعد فى مدار قبلة بيحجب جزء من قوة شد النواة فيوصلوا الشد ضعيف و طبعا كل ما بعد كل ما كان الشد اللى بيوصلوا اقل

4- قوة شد النواة للموجبة لاخر و ابعد مدار عنها بيكون ضعيف جدا يكاد يكون منعدم و بالتالى الالكترونات فى المدار الاخير أرتباطها بالنواة ضعيف جدا

درس النهاردة :

القاعدة : لو جبنا عنصرين من العناصر ال114 عنصر بتوعنا و عملنا أحتكاك بينهم .. العنصر الاول بيدفع الالكترونات الحرة الموجودة فى المدار الاخير للعنصر التانى أنها تسيب الذرة و نتيجة لان الالكترونات دى ارتباطها بالنواة ضعيف بستجيب له و تغادر الذرة

طيب بتغادر تروح فين ؟

 الالكترونات بتسيب العنصر التانى و تفضل على سطح العنصر الاول و كدا يبقى

1- العنصر التانى : سابتة الالكترونات السالبة : شحنتة السالبة قلت و تبقى الموجبة أكتر من السالبةو بالتالى شحنتة الفالبة (+)

2- العنصر الاول : راحتلة الالكترونات السالبة : تبقى الشحنة السالبة فيه زادت و بالتالى الشحنة الغالبة (-)

طيب عرفتو منين ان الالكترونات بتسيب العنصر و تروح لعنصر تانى ؟

– عرفنا بالتجربة العملية  التالية (تجربة 1 )

1- بنجيب عنصرين من ال114 بتوعنا و ليكن المطاط و الفرو

2- نعمل احتكاك بين القضيب المطاطى و قطعة الفرو

3- نأخد القضيب المطاطى دا و نقربة من شعرة خفيقة أو كرة حفيقة جدا

الملاحظة : نلاقى القضيب المطاطى التقط الشعرة أو الكرة

التفسير العلمى : عند احتكاك القضيب المطاط مع قطعة الفرو .. قام القضيب دفع الالكترونات الحرة الموجودة فى الفرو انها تغادر الفرو تماما و فعلا الالكترونات سابت الفرو ة التصقت بالقضيب المطاطى فزادت الشحنة السالبة على القضيب المطاطى و قلت الشحنة السالبة من الفرو فأصبحت شحنتة الغالبة هى الشحنة الموجبة و كدا بقى عندنا العنصرين بعد الاحتكاك

1- الفرو : دا فقد الالكتورنات و شحنتة بقت موجبة

2- القضيب المطاطى : دا أكتسب الالكترونات و شحنتة بقت سالبة

اذن ” القضيب قدر يجذب شعرة الانسان لاه اصبح يحمل شحنة كهربية سالبة قادرة على الجذب “

هنسيب قطعة الفرو خالص و نمسك القضيب المطاطى ذو الشحنة السالبة و نستخدمة فى التجربة التالية (تجربة 2):

1- نجيب كرة معدنية خفيفة جدا و معلقة بخيط وزنة قليل جدا جدا

2- نلامس القضيب السالب بتعنا للكرة المعدنية فينقل القضيب جزء من شحنتة السالبة للكرة المعدنية

3- دلوقتى بقى القضيب سالب و الكرة كمان سالبه

4- نقرب القضيب و الكرة من بعض هنلاقى القضيب و الكرة بيتنافران

الاستنتاج : الشحنات الكهربية المتماثلة بيحصل بينها تنافر

عمل مهم جدا : هنشيل الكرة المعدنية الخفيفة بتاعتنا اللى شحنتها سالبه (هنحتاجها كمان شوية )

تجربة (3) :

1- هنجيب عنصرين تانين من ال114 و ليكن الزجاج و الحرير

2- هنعمل احتكاك بيم قضيب الزجاج و قطعة الحرير

اية بقى اللى هيحصل ؟

– الحرير هيدفع الالكترونات الحرة بتاعت المدار الاخير فى الزجاج انو يغادر الزجاج و بالفعل هتغادر الالكترونات الحرة الزجاج  و تروح لسطح الحرير

و بكدة الزجاج فقد الالكترونات و شحنتة بقت (+) و الحرير اكتسب الالكترونات و بقت شحنتة (-)

3- هناخد الزجاج (شحنتة موجبة) و نخلية يلمس كرة معدنية خفيفة معلقة بخيط حفيف جدا (زى التجرية الاولى ) فتتنقل جزء من الشحنة الموجبة للكرة و بكدا بقى كلا من الزجاج و الكرة ليهم شحنة موجبة

4- دلوقتى نقرب الكرة موجبة الشحنة من الكرة سالبه الشحنة (بتاعت تجربة 2)

الملاحظة : بحدث تنافر بين المرتين

الاستنتاج : الشحنات المختلفة تتجاذب

خلاصة الموضوع :

تجربة 1 : قالت ان فى حاجة اسمها شحنة كهربية و ان ليها تأثير عملى بدليل ان القضيب قدر يجذب الشعرة

تجربة 2 : قالتى ان الشحنات الكهربية نوعين سالبة و موجبة و ان الشحنات المتماثلة بتتنافر

تجربة 3 : قالتلى ان الشحنات الكهربية المختلفة بتتجاذب بدليل ان الكرتين الموجبة و السالبة تجاذبا

سؤال مهم : ليه فى تجربة 1 القضيب المطاطى أكتسب لكن فى تجربة 3 القضيب المطاطى فقد ؟

– عند حدوث الاحتكاك , بيكون فى 2 عنصر واحد هيفقد و واحد هيكتسب

– اللى بيفقد : هو اللى الالكترونات فى مدارة الاخير أقل ارتباطا بالنواة

-صحيح الالكترونات فى المدار الاخير فى جميع العناصر اقل ارتباطا بالنواة من غيرها لكن بيختلف مقدار الارتباط دا من عنصر لاخر