1-الذرة عبارة عن : نواة موجبة الشحنة فى المركز تدور حولها الالكترونات السالبة فى مدارات خاصة
2- درسنا التيرم اللى فات ان الفيزياء هو علم القياس – لو مفيش قياس مفيش فيزياء – و ان فى 4 كميات رئيسية محتاجين نقيسها جميعها أو بعضها بالنسبة لكل مادة ندرسها فى الفيزياء تبعا لطبيعة المادة يعنى مادة تحتاج اننا ندرس الكميات كلها و مادة تحتاج 2 بس …وهكذا
3- طيب بالنسبة لموضوع الذرة محتاجين نقيس (الكتله – الشحنة الكهربية )
موضوع النهاردة : اخضاع الذرة لعلم الفيزياء يعنى نحدد وحدات لقياس كتلتها و شحنتها و طريقة للقياس
– النصف الاول من الدرس (قياس الكتلة )
– لان الذرة دقيقة جدا و غير مرئية كان من غير الممكن قياس كتلها بالموازيين العادية او حتى ابتكار ميزان خاص لقياس كتلتها لان الامر دا شبة مستحيل من الناحية العملية عشان كدا لجأ العلماء فى قياس كتلة الذرة الى عنصر الكربون ,,, لماذا الكربون ؟- لانه العنصر المشترك الرئيسى فى معظم المواد الطبيعية
-طب ازاى هنقيس كتل الذرات باستخدام عنصر الكربون ؟
– اجاب العلماء : نفرض ان عندنا وحدة قياس افتراضية اسمها وحدة الكتلة الذرية
بما أن العدد الكتلى للكربون فى الجدول الدورى هو 12
اذن : كتله ذرة واحدة من الكربون = 12 وحدة كتلة ذرية
بقسمه المعادلة على (وحدةكتلة ذرية ) نجد ان : وحدة الكتلة الذرية هى كتلة 1 ذرة كربون مقسومة على 12
وحدة الكتلة الذرية = 1\12 من كتله ذرة الكربون
هذة الوحدة تسمى وحدة الكتل الذرية (a.m.u)
مثال : أوجد كتلة ذرة الهيدروجين ؟
الاجابة : كتله ذرة الهيدروجين هى 1 amu تقريبا
*استمر العلماء فى استخدام وحدة المتل الذرية (a.m.u ) لفترة من الزمن ليكتشفوا انها غير عملية خاصة اننا عمليا لا نتعامل مع ذرة واحدة من العنصر بل الالاف الذرات و يصبح التمييز بوحدة (a.m.u) ثقيلا من ناحية الممارسة العملية
– تظهر دلوفتى وحدة قياس جديدة أكبر من (a.m.u) تسمى(kg atom) حيث تعرف بانها عدد الذرات من المادة اللى لو اتجمع مع بعضة يطلع كيلو جرام من الذرات
– العدد بتاع الذرات من مادة واحدة يطلعلك كيلو منها دا ظل مجهول لحد ما أوجدها العالم اوفجادرو و استطاع حساب الرقم دا و طلع 6.022×1026
∴ يمكن تعريف (kg atom ) هو عدد الذرات اللازم لتجميع كيلو جرام من الذرات
عدد افوجادرو = 6.022 × 10²³ ذرة
كتلة الذرة بالكيلو جرام هى مقلوب عدد افوجادرو و تساوى 1.66×10-27
ملخص الجزء الاول : اثبتنا ان الذرة ليها كتلة و حددنلها وحدتين قياس دلوقتى عاوزين نثبت ان ليها شحنة كهربية و نعين مقدارها و بكدا نوصل أن الذرة جزء من علم الفيزياء
الجزء الثانى : الشحنة الكهربية
– الذرة عبارة عن 3 مكونات رئيسية (نواة – الكترونات – بروتونات ) .. البروتونات متعادلة الشحنة يعنى ملهاش شحنة نقيسها و (النواة موجبة – الالكترونات سالبة) و عشان تفضل الذرة مستقرة و نفضل احياء فلازم الشحنة الموجبة فى النواة تساوى الشحنة السالبه فى الالكترونات عشان الذرة تفضل مستقرة
– فاحنا ندرس شحنة الالكترونات و بالتالى شحنة البروتونات نفسها بعكس اشارة
– وجد ان شحنة الالكترون مقدار ثابت يساوى 1.6023×10−19 كولوم
– اذن الكولوم الواحد عبارة عن 6.242*1018 شحنة كهربية
وبكدا يبقى اثبتنا فى الجزء التانى ان الذرة (الالكترون بالاخص) له شحنه كهربية و كمان قسنا مقدارها
خلاصة هذا الجزء : الذرة لها كتله و تم قياسها و لها شحنة كهربية و تم قياسها و بالتالى هى مادة للبحث الفيزيائى و تنطبق عليها قوانين الفيزياء
